الثلاثاء 22 يوليو 2014 21:31 مساءً
الرئيسية » أنوثتي و الجمال » وصفات مجربة ومضمونة لصباغة الشعر طبيعيا

وصفات مجربة ومضمونة لصباغة الشعر طبيعيا

صبغ الشعر باللون البني
ناخد حفنة من اوراق الكركاع و نزيد عليها ماء غليان و نخليهم مدة 15 د ثم نصفي الماء و ندهنو بيه الشعر مزيان خاص الشعر يكون نظيف
تكرر العملية يوميا و مع المدة يتلون الشعر و يختفي الشيب

صبغ الشعر باللون الاحمر الغامق يميل للڭرونة
أربع معالق كبار حنة + ملعقة صغيرة زعفران حر مدقوق + 2 معالق كبار شاي اسود مطحون ومغربل + 4 معالق كبار سواك محمر في الفران و مطحون + خل التفاح حسب الخليط
خلط جميع العناصر و نخلي الخليط مدة ليلة كاملة ثم نديروه على الشعر مامغسولش و ندلك فروة الراس مزيان باش تدخل العناصر في الشعر و نخليها حتى تيبس تقريبا مدة نصف نهار ثم يغسل الشعر وباش تثبث الصباغة مزيان نجمع الشعر و نشفوه بالسيشوار
نستعمل الوصفة 3 مرات في الشهر باش نحصل على اللون اللي بغينا

وصفة 2 لاعطاء لون بني للشعر
مقدار حنة حسب طول الشعر + ماء سلق الباربا + ملعقة ك ياغورت طبيعي مسوس + ملعقة عسل طبيعي
نخلط الحنة بماء الباربا و نزيد عليهم العسل و الياغورت ثم نديرو الخليط على الشعر و ننشفه بالسيشوار باش تثبث الصباغة تستعمل الوصفة قبل الحمام و نخليها فالشعر حتى لنصف نهار بالنسبة اللي شعرها ناشف بزاف تضيف ملعقة زيت أي نوع

صبغ الشعر باللون الاسود
السواك محمر ومطحون ومغربل + 1 كاس كبير الخل أي نوع + حنة حسب طول الشعر
نديرو الحنة والسواك وتخلط بالخل تبقى 15 د نعملوه على الشعر حتى ينشف من بعد يتغسل

صبغ الشعر باللون الاسود الغامق المائل للأزرق
سواك مطحون + الخل ندهن به الشعر حتى ينشف

وصفات صالحة للشعر اللي لونه اسود او مصبوغ بالاسود كيثبت فيه اللون الاسود و كيولي فيه اللمعان
الوصفة 1 : ثلاتة معالق كبار ريحان مطحون + كاس كبير زيت زيتون
نخلط العناصر و نديرهم فوق نار هادئة حتى يغلي الخليط مزيان و نزولوه و نديروه في قرعة زجاج لونها غامق (بحال قرعة السيرو) و نبقاو ندهن الشعر يوميا بشوية الزيت فالنهار او في الليل قبل النوم و ندلك الفروة مزيان و نخليه و يغسل الشعر في نهاية الاسبوع يعني مانحتاجوش نغسل الشعر من الزيت
الوصفة 2 : كاس كبير حرمل صحيح + كاس كبير خل ابيض
تطبخ العناصر فوق نار هادئة مدة 10 د ثم ندير الخليط في قرعة زجاج لونها غامق و نبقاو ندهن الشعر يوميا بحال الوصفة الاولى مدة اسبوع و يغسل الشعر في نهاية الاسبوع و يمكن تكرار الوصفة من بعد

صبغ الشعر باللون اللون الاشقر
2 م ك الماء الزهر + 2 بيضات + عصير 2 حامضات
فى الخلاط نطرب البيض وماء الزهر والحامض شوية بشوية بحال المايونيز حتى يطلع ندلك به الشعر ونخليه ساعتان مع تنشيفه بالسيشوار
ملاحضة : باش اللون الاشقر يبقى مدة طويلة كيتشلل فى الاخير بماء نجارة الخشب كترطب فى الماء غليان ومن بعد كتصفى

صبغ الشعر باللون الكستنائى
عصير حامضة + 2 حفنات بابونج
نديرو البابونج فى ماء غليان نصف ساعة يصفى نضيف عصير حامضة يدلك به الشعر مع تنشيفه بالسيشوار كل يوم

وصفة 2 للون الكستنائى
عصير 6 الحامضات + 3 أصفر البيض + 2 كيسان الماء ورد
نخلطو عصير الحامض مع البيض وماء الورد تنديروه على الشعر خاصو يكون مغسول وناشف ونتبتوه بالسيشوار نخليوه فى الشعر 30 د او اكتر و يغسل

ملاحضة : هاد الوصفات كدار 3 مرات فى الشهر