الخميس 30 أكتوبر 2014 13:41 مساءً
الرئيسية » أنوثتي و الجمال » تحضير الصابون البلدي بالاعشاب في البيت وكوماج هائل للجسم

تحضير الصابون البلدي بالاعشاب في البيت وكوماج هائل للجسم

اليوم جبت لكم كوماج مغربي لاغنا لنا عليه في حمامنا المغربي نبدا على بركة الله
اولا غادي نعطيكم طريقة تحضير صابون بلدي بالاعشاب في البيت راني مكنشجعكومش تشريو شي حاجة جاهزة من السوق لانني بصراحة مكنتيقش فمواد التجميل الي موجودة فالاسواق كنصايب كلشي على ايدي والحمد لله
نصف كيلو صابون بلدي هاد النوع الممتاز الي قابت فراسو ولون ديالو مغلوق بحال هدا تماما
- ناخدو 4م ك من الحبة السوداء مطحونة + 4م ك من أزير مسحوق + 4م ك من الخزمى مسحوقة + 4م ك من الورد بلدي مسحوق + 4م ك من الزعتر مسحوق + 4م ك من الريحان + 4 م ك من سكر كلاصي + 4م ك من عصير الحامض + 4م ك من ماء الورد + 4م ك من العرعار مطحون – نسحقو جميع هاد الاعشاب ونغربلوها حتى تولي بودرة باش ميجيش حرش على الجسم حاجتنا فيه ناعم كثير كثير نخلطو الاعشاب ونضيفوها على الصابون البلدي في إناء كبير نوعا ما ونضيفو عصير الحامض وماء الورد ونخلطوه مزيان واحنا كندلك بكف اليد حتى تنسجم العناصر كاملة ونعبيوه فبواطات ونحتفضو به وكل مابغينا ندوشو أو نمشيو الحمام ناخدو القدر الي يكفينا ونضيفو عليه أما م ك من النشا أو م ك من بودرة الطالك ديال الاطفال راه معروف ومنحتاجش نقولكم على خصائص الاعشاب وفوائدها بالنسبة للبشرة المهم دبا ندوزو لمقادير الوصفة الاصلية الي هي الكوماج
- حاجتنا في 4م ك من صابون بلدي بي الاعشاب الي حضرنا اعلاه + 2م ك من زيت أركان + كيس حمام الحرش (الخرقة)
- نخلطو الصابون بلدي مع زيت أركان ونبللو الجسم بالماء وناخدو الكيس ونحكو به ماشي تسمعو نحكو وتبداو تبردو لالالالالالالا وياكم راه احنا كنعملو غير كوماج بحركات دائرية خفيفة مدة 10دقائق ونغسلو عادي راه كيخلي الجسم رطب وناعم وكيزول الخلايا الميتة ونغسلو عادي شعرنا وجسمنا وملي نشللو نرطبو ونعمو جسمنا ونعشو البشرة ديالنا بمساج خفيف والجسم باقي منشفناهش من الماء بزيت الزنجلان أو زيت أركان أو زيت اللوز باش نحافضو على نسبة كبيرة من الماء داخل الجسم ونرطبوه ونعموه وجربو وردو عليا الاخبار تحياتي ودمتن سالمين

3 تعليقات

  1. بارك الله فيك على هذه الوصفة الله يعطيك الصحة

  2. شكرا جزيلا علئ وصفاتكم الاكتر من هائلة جزاكم الله الف خير نتمنى منكم تعطوني شي كريم مرطب للبشرة الجافة الله يكرمكم