الإثنين 28 يوليو 2014 18:25 مساءً
الرئيسية » تجارب الأخوات من موقع لالة سومة » الوصفات التجميلية لي قدمت في فقرة لجمالك في برنامج للا مولتي

الوصفات التجميلية لي قدمت في فقرة لجمالك في برنامج للا مولتي

وصفة تصفي الوجه تزيل التجاعيد والكلف و النمش
خيارة مغسولة مزيان وتطحن بقشرتها مع شوية الماء ورد في الخلاط وتكبيها في المربعات الخاصة بالثلج ويترك الخليط حتى يتجمد تم كل يوم تاخدين قطعة و بحركات دائرية تدوزيها على الوجه وتتركيها ساعة او نصف ساعة حسب الرغبة. تم يغسل الوجه
وفي الليل قبل النوم تدهني وجهك بزيت اللوز وتخليه على الوجه حتى الصباح.
لا انصح بها الاخوات الي بشرتهم جافة
وصفة للبشرة الجافة.
خلطي شوي دقيق الذرة مع ملعقة كبيرة من كريمة حليب فايض مع ملعقة كبيرة من سفرجل محكوك.
وقومي بحركات دائرية خفيفة.واتركيها في وجهك 20 دقيقة ثم اغسليها.
وصفة لإزالة البطن
قعقلة + الحلحال + زعيترة + الزعتر + مرددوش + فليو + السالمية + الكروية نفس المقدار من كل عشبة
طحني الكل وغربليهم وتاخدي نصف معلقة قبل الفطور وبعد الفطور ونصف معلقة قبل الغداء وبعد الغداء ونصف معلقة قبل العشاء وبعد العشاء.
وصفة تخلي شعر بهل الحرير وقوي ولامع
ساشية اتاي + درهم خزامة
يطحن الشاي ثم الخزامة في الخلاط حتى يولي على شكل بودرة .تم تغلي الخليط في زيت لوسيور حتى يتبخ الشاي و الخزامة جيدا تم يوضع الخليط في زجاجة ويترك ليتخمر 7 أيام.
ثم تبد ئين دهن شعرك بزيت تاع الخليط تم عندما تردين الدهاب الى الحمام شققي راسك بقليل من الخليط و الزيت.وغدي تشوفو شعراتكم كتولي حرييييييييييييييييييير.
وصفة لإزالة البقع البيضاء من الوجه
2 فصوص من الثوم تخلطيهم مع نصف كاس صغير من زيت الزيتون الاصلي وتخليه يتجانس مدة 3 أيام في زجاجة معقمة ومسدودة ثم ادهني مكان البقع بهدا الزيت كل ليلة و في الصباح تغسل وجهك بصابونة الحجرة
وصفة لتوحيد لون الجسم في الحمام
تخلطي صابون البلدي + شوي تاع لخميرة + شوي سكر كلاصي + حامضة معصورة
يخلط الكل جيدا ويترك 10 دقائق قبل الاستعمال.وفي الحمام دهني جسمك بالخليط و اتركيه 10 الى 15 دقيقة.تم غسليه بصابونة الكف حيت كيبقى ملصلص شوي.
ودخلي للسخون او بداي لحكان وتعالي تشوفي الوسخ كي غدي يخرج.المهم هو انك ستنبهري كثيرا ببياض جسدك.
يمكن استعمال الخليط لوجهك كدلك.
لإزالة الشيب
شوية تاع البابونج + شوية الكركديه + العكر الفاسي + قشور تاع الرمان + الحنة
غلي المواد كلها وصفيها والماء ديالهم ضيفي ليه الحنة وديريها لشعرك وخليها ساعتين ثم غسليه.غدي تخلي ليك لوين اكاجو زوين.
للسواد تحت العينين.
معلقة صغيرة خيار محكوك + ملعقة صغيرة عسل + ملعقة صغيرة حليب بودرة
يخلط الكل و يوضع في فاصما ويترك فوق العينين لمدة 10 دقائق.
التجاعيد اليدين وسواد اليدين
قبل النوم تدهني يديك بعصير النعناع وتخليه حتى ينشف وباتي بيه حتى لصباح وغسلي يديك بصابونة الحجر ثم دهني يديك باي كريم عندك.
لتأخير ضهور التجاعيد
أحسن شي دهن الوجه كل ليلة بزيت الزيتون الاصلي وفي الصباح تغسلي الوجه بصابونة الحجرة
لزوال النقط البنية في الوجه و البثور وأثار حب الشباب نهائيا
زرقطونة مع شوية تاع الخرطال مع ماء ورد يخلط الكل ويفرك به الوجه يوميا و يترك ساعة قبل الغسل.يغسل الوجه بصابونة الحجرة
لاي سواد في الجسم.استعملي هد الكوماج للجسم كل اسبوع في الحمام
1 ديري الحنة مع العكر الفاسي مخلطين بعد ما كنت دهنتي جسمك بالصابون البلدي
2 في ان اناء خلطي دانون مسوس مع حب الرشاد مهرمش شوي وشوية من سكر سنيدة
بعد تسالي من الحكان ديري الخليط في كيس او بداي تفركي بحركات دائرية
3 بعد تسالي دوزي نصف حامضة على جسمك كلو وخا غدي يحرقك شوي معليش او المناطق التي فيها سواد
4 بعد تخرجي من الحمام دهني جسمك بزيت جنين القمح.
الاسبوع الاول غدي تشوفي جسمك كي غدي يبياض او يرطاب.

4 تعليقات

  1. شكراً بزاف على نصايحك

  2. الله يجزيك بخير اختي

  3. أنا بغيت نشكرك بزاف على المجهود ديالك الله يخلي لك آدم