الإثنين 20 أكتوبر 2014 05:21 صباحًا
الرئيسية » نصائح وأفكار » أسرار مهمة وهائلة من مطبخي لزيادة اللذة لطيابك

أسرار مهمة وهائلة من مطبخي لزيادة اللذة لطيابك

* بيتزا باش تجيني مزيانة تنضيف ليها 2 معالق كبار حليب غبرة
* و الصوص ديال لباط تنضيف ليهم شوية الزعتر ومعلقة صغيرة كامون تتجي متشبعيش منو
* و الطاجين باش يجيني مزيان متنكثرش الماء و العطرية تنخلطها بوحدها فشي زلافة تندير ليها شوية ديال الماء عاد تنكبها على الطاجين و بهاد الطريقة الطاجين ديالي تيجي متشبعيش منو و لي كلاه تيشكرو
* وفالدجاج المشوي كندير ، هاد الخلطة كتجي لذيذة : الثوم + الحامض + التحميرة + شوييية د الحار + الملح + الزعتر + البزار + سكينجبير + القزبر حبوب + الزيت البلدية و نبيت الدجاج فيه و من بعد كانشويه
* بالنسبة للكيك على سيبل المثال كاين اللي يبقى يحرز و يبرز فيه ومكطلعش ليه والسر ديالي هو لخميرة ديال الدار اياه ديال الخبز قبل ما ديري دقيق ديري جهد معلقة صغيرة خميرة ديال الخبز و تحريها حتى ذوب وديري دقيق وخميرة الحلوى
* وعندي سر خطير أخر ف الكيك كيخلي الكيكة مفرقعه بحال الا فيها قنبوله هههههههه هو كاس ديال الماء بارد كديريه مع المقادير سواء ف الاول ولا ف الاخير وكتجي عالية وكتحمق وهكا غيبقاو ديما يسولوك على السر
* وهاد كيكة مرة مرة كنديرها ديال الماء كتجي زوينة وعادية بحال الكيكات لخرين
كديري فيها كاس ونصف سنيدة و 2 بيضات وكاس الزيت و1 خمارة رابعة دقيق و كاس ماء سخون يعني طايب
2 معالق شكلاط غبرة
كطربي البيض مع سنيدة وضيفي زيت والماء السخون والشكلاط غبرة ونتتي كضربي ونحركوا كلشي وننصبوه في مول مدهون ودخليه للفرن ومنين طيب زينيه بالشكلاط ولا باش حبيتي
* البريوش باش يجي مفشفش ورطب ضروري من الزبدة لأني جربت العديد من الوصفات بدون زبدة مكيصدقوش والزبدة كتخليه هشيييييييييشة.
* إلى بغيتي البنة في الطاجين أو الدجاج محمر أو لحم محمر أو الحريرة أو الكسكس دائما كندير طريف ديال كنور البكري وخا يكون الدجاج.
* اللوز باش ميتحرقش في القلي وضعيه في الزيت باردة بلا متخليها تسخن وعلى نار متوسطة.
* فطاجين الحوت كنصلق نصف كاس صغير من الروز نصف سلقة فشي كاسرونة ديري الماء شوية زايد
علاش؟
لأنه هو الماء لي غدي نسقيوا بيه الطاجين كيجي الطاجين ملبي وخاثر واااااااااااااااااااااو
وفي طاسة كنكب الروز بماه ونزيد عليه الشرمولة وقوام الطاجين ومعلقة ديال معجون ماطيشة ونبقا نوزع علا الطاجين دالحوت بمعلقة ومتنساوش شوية ديال الزعتر وورقة سيدنا موسى
* وسر أخر للبنة اللي كنعتمدها فطيابي اليومي هو استعمالي للهريسة بشكل قليل باش تطلق البنة وما تطلقش الحرور
وكيجي الطياب لذيذ وهائل والهريسة ممكن استعمالها فالمرق ولاصوص والبيتزا والشرمولة
* والمايونيز باش تصدق خاص مولينكس متكونش فيها حتى قطرة ديال لما.
* وشرمولة ديال الحوت لي كيتقلى ماديريش فيها الزيت ديري غي شوية ديال الما باش متجيش شرمولة محروقة. وديال تبخار هي لي ديري فيها زيت. وباش تجي عاطية و واقفة كاندوزها فمقلة على عافية مهيلة عاد كانشرمل الحوت.
الفريت باش مكيجيوش هازين الزيت ديري فباطاطا منين تكون فلما شوية ديال الخل.

9 تعليقات

  1. ما شاء الله يعطيك الصحة

  2. تبارك الله عليك

  3. الله يعطيك اصحى أختي تبارك الله عليك و شكراً بزاف…

  4. شكراً بزاف أختي كتفدنة الله ارحم لولدين

  5. تبركالله عليك بين عليك hadga الله يعطيك صحة

  6. تبارك الله أصلا عنبي أليك أوختي